काठमाडौं । बिना अक्सिजन १० पटक सर्वोच्च शिखर सगरमाथा आरोहण गर्नुभएका कीर्तिमानी हिमाल आरोही आङरिता शेर्पाको निधन भएको छ ।
७२ बर्षको उमेरमा उहाँको सोमबार बिहान १० बजे निजी निवास जोरपाटीमा निधन भएको पासाङ ल्हामु फाउन्डेसनका महासचिव छेटु शेर्पाले जानकारी दिनुभयो ।
उहाँ पछिल्लो केहि वर्षयता सिकिस्त बिरामी हुनुहुन्थ्यो । उहाँको उपचारमा देश विदेशमा रहेका शुभचिन्तकहरूले समेत सहयोग जुटाएका थिए ।
शेर्पा ‘हिम चितुवा’ उपनामले विश्वभर चिनिनु भएको थियो । शेर्पाले नेपालका ८ हजार मिटर भन्दा अग्ला सबै हिमालको सफल आरोहण गर्नुभएको थियो ।
शेर्पाले सन् १९८३ देखि १९९६ सम्म १० पटक लगातार बिना अक्सिजन सगरमाथाको सफल आरोहण गर्नु भएको थियो । उहाँले सन् १९९० मा छैटौँ पटक सगरमाथाको सफल आरोहण गरेसँगै विश्वमै सबैभन्दा धेरै सगरमाथा चढ्ने आरोहीको कीर्तिमान बनाउनु भएको थियो ।
-
खुला नेपाल डेस्क
खुला नेपाल झण्डै तीन दशक नेपाली पत्रकारितामा योगदान दिएका अनुभवी पत्रकारको नेतृत्वमा २०७६ सालबाट संचालनमा आएको अनलाइन समाचार पोर्टल हो ।
-
लेखकबाट अन्य
