काठमाडौं । पछिल्लो २४ घण्टामा ३२ सय १८ जनाको पीसीआर नमुना परीक्षण गर्दा ११० जना नयाँ संक्रमित थपिएका छन् ।
आजको संख्यासहित नेपालमा कोरोना भाइरसबाट संक्रमण हुनेको संख्या २ लाख ७३ हजार ६६६ पुगेको छ । नेपालमा पछिल्लो परीक्षण संख्यासहित २१ लाख ४६ हजार ५३३ जनाको पीसीआर भइसकेको पनि मन्त्रालयले जनाएको छ ।
यस्तै पछिल्लो २४ घण्टाभित्र १०२ जना संक्रमित निको भएर डिस्चार्ज भएको स्वास्थ्य तथा जनसंख्या मन्त्रालयको प्रेस नोटमा उल्लेख गरिएको छ ।
यो सँगै नेपालमा कोरोना भाइरसको संक्रमण जितेर घर फर्किनेको संख्या २ लाख ७० हजार ६८ जना पुगेको छ । यो भनेको कुल संक्रमितमध्ये ९८.७ प्रतिशतलाई कोरोना निको भइसकेको हो ।
कोरोना संक्रमणका कारण पछिल्लो २४ घन्टाभित्र ४ जनाको मृत्यु भएको मन्त्रालयले जनाएको छ । नेपालमा कोरोना भाइरस संक्रमणबाट मृत्यु हुनेको संख्या २ हजार ६५ पुगेको छ ।
हाल देशभर सक्रिय संक्रमितको संख्या १५ सय ३३ रहेको छ । मुलुकका विभिन्न ठाउँमा ६५ जना अझै क्वारेन्टिनमा रहनु भएको छ ।
-
खुला नेपाल डेस्क
खुला नेपाल झण्डै तीन दशक नेपाली पत्रकारितामा योगदान दिएका अनुभवी पत्रकारको नेतृत्वमा २०७६ सालबाट संचालनमा आएको अनलाइन समाचार पोर्टल हो ।
-
लेखकबाट अन्य
