काठमाडौँ । पछिल्लो २४ घण्टामा कोरोना संक्रमणबाट ५५ जनाको मृत्यु भएको छ । यो सँगै नेपालमा कोरोनाबाट मृत्यु हुनेको संख्या ३ हजार ४ सय १७ पुगेको स्वास्थ्य मन्त्रालयले जनाएको छ ।
यस्तै मंगलबार ७ हजार ६६० जनामा कोरोना पुष्टि भएको छ । स्वास्थ्य तथा जनसंख्या मन्त्रालयका अनुसार देशभरका प्रयोगशालामा गरिएको १६ हजार ७०२ पीसीआर परीक्षणबाट ७ हजार ६६० जनामा कोरोना संक्रमण देखिएको हो ।
यो सँगै नेपालमा कोरोना संक्रमितको संख्या ३ लाख ५१ हजार ५ पुगेको छ ।
पछिल्लो २४ घण्टामा १ हजार ७७५ जना डिस्चार्ज भएका छन् । यो सँगै निको हुनेको संख्या २ लाख ८७ हजार ७९० पुगेको छ । यो भनेको निको हुनेको संख्या ८२ प्रतिशत रहेको छ ।
हालसम्म पीसीआर परीक्षण २५ लाख ३७ हजार २९५ पुगेको छ । आइसोलेसनमा ५९ हजार ७९८ जना र क्वारेन्टाइनमा २५३ जना रहेको मन्त्रालयले जनाएको छ ।
प्रतिक्रिया
-
खुला नेपाल डेस्क
खुला नेपाल झण्डै तीन दशक नेपाली पत्रकारितामा योगदान दिएका अनुभवी पत्रकारको नेतृत्वमा २०७६ सालबाट संचालनमा आएको अनलाइन समाचार पोर्टल हो ।
-
लेखकबाट अन्य
