काठमाडौं । नेकपा (एमाले)मा सृजित विवाद निरूपणका लागि गठन गरिएको कार्यदलले एकताको भावना सञ्चार गराउन विशेष अपिल गर्नेलगायत निर्णय गरेको छ ।
कार्यादलको यो पहिलो बैठक हो ।
प्रधानमन्त्री तथा मन्त्रिपरिषद्को कार्यालयमा भएको बैठकमा एमाले कार्यकर्ताको बीचमा थप विवाद बढ्न नदिन बिशेष अपिल गर्ने निर्णय भएको हो ।
आजको बैठकले बैठकले सहमतिहरू निर्माणका लागि एउटा कार्यविधि र आचारसंहिता तयार गर्ने निर्णयसमेत गरेको नेता सुवास नेम्वाङले जानकारी दिनुभयो ।
‘कार्यदलको बैठकले सर्वसम्मत रुपमा देशैभर कार्यकर्ताको बीचमा एकताको भावना सञ्चार गराउने निर्णय गरेको छ, बक्तब्यमार्फत नै यस्को जानकारी गराइन्छ,’ एमाले संसदीय दलका उपनेता नेम्वाङले भन्नुभयो ।
एमाले अध्यक्ष केपी शर्मा ओली र बरिष्ठ नेता माधवकुमार नेपालले तीन दिनको समय तोकेर जेठ २ गते १० सदस्यीय कार्यदल गठन गर्नुभएको थियो ।
कार्यदलमा पार्टी संस्थापन पक्षबाट नेता नेम्वाङ, विष्णु पौडेल, प्रदीप ज्ञवाली, शंकर पोखरेल र विष्णु रिमाल हुनुहुन्छ भने माधव नेपालका तर्फबाट भीम रावल, घनश्याम भुसाल, गोकर्ण विष्ट, सुरेन्द्र पाण्डे र रघुजी पन्त रहनु भएको छ ।
-
खुला नेपाल डेस्क
खुला नेपाल झण्डै तीन दशक नेपाली पत्रकारितामा योगदान दिएका अनुभवी पत्रकारको नेतृत्वमा २०७६ सालबाट संचालनमा आएको अनलाइन समाचार पोर्टल हो ।
-
लेखकबाट अन्य
