धनगढी । स्वास्थ्य केन्द्रमा कार्यरत युवतीको शव जंगलमा परेको छ । डडेल्धुराको परशुराम नगरपालिका–८ जमरानी आधारभूत स्वास्थ्य केन्द्रमा कार्यरत अस्मिता धामीको शव हट्वानी सामुदायिक वनमा फेला परेको हो ।
असार २ गते जोगबुडा अस्पताल स्वास्थ्य सामाग्री पुर्याउन गएकी अस्मिता सोही दिनदेखि बेपत्ता भएकी थिइन् ।उनको खोजीकार्यका लागि परिवारले ईलाका प्रहरी कार्यालय निवेदन दिएका थिए । जिल्ला प्रहरी कार्यालय डडेल्धुराका प्रहरी नायव उपरीक्षक महेन्द्र नेपालले तीन दिन अघिदेखि सम्पर्कविहीन भएकी युवतीको शव फेला परेको बताउनुभयो ।
प्रहरी नायव उपरीक्षक नेपालले ईलाका प्रहरी कार्यालय जोगबुडा र जिल्लाबाट प्रहरी टोली अनुसन्धानका लागि पठाइसकेको बताउनुभयो ।
उहाँले घटनाबारे अनुसन्धानपछि जानकारी गराउने बताउनुभयो । हत्या हो या आत्महत्या त्यो अनुसन्धानपछि खुल्छ उहाँले भन्नुभयो, ‘प्रहरी अनुसन्धानमा खटिसकेको छ ।’
-
खुला नेपाल डेस्क
खुला नेपाल झण्डै तीन दशक नेपाली पत्रकारितामा योगदान दिएका अनुभवी पत्रकारको नेतृत्वमा २०७६ सालबाट संचालनमा आएको अनलाइन समाचार पोर्टल हो ।
-
लेखकबाट अन्य
