काठमाडौँ । बलिउड अभिनेता किङ्ग खान अर्थात शाहरुख खानका छोरा आर्यन खान लागूऔषध दुरुपयोगको अभियोगमा पक्राउ परेका छन् ।
उनलाई भारतीय लागूऔषध नियन्त्रण ब्युरो (एनसीबी)ले नियन्त्रणमा लिएको हो । शनिबार राति मम्बुईमा एनसीबीले छापा मारेको बताइएको छ ।
उक्त छापामा आठ जनालाई एनसीबीले नियन्त्रणमा लिएको र आर्यनसहित तीन जनालाई गिरफ्तार गरिएको भारतीय समाचार संस्था एएनआइले जनाएको छ ।
आर्यनको जमानतका लागि आज (सोमबार) उनका वकिलले मुम्बईको सेशंस अदालतमा निवेदन दिने बताइएको छ ।
उनीसँगै पक्राउ परेका अरबाज मर्चेन्ट र मुनमुन धमिचालाई एनसीबीले हिरासतमा लिएको म्याद आज सकिँदैछ ।
यस्तै अन्य पाँच जनालाई एनसीबीले आज थप अनुसन्धानका लागि म्याद थप्न माग गर्दै आज अदालतमा पेश गर्दै छ ।
प्रतिक्रिया
-
खुला नेपाल डेस्क
खुला नेपाल झण्डै तीन दशक नेपाली पत्रकारितामा योगदान दिएका अनुभवी पत्रकारको नेतृत्वमा २०७६ सालबाट संचालनमा आएको अनलाइन समाचार पोर्टल हो ।
-
लेखकबाट अन्य
