काठमाडौं । नेकपा एमालेका उपाध्यक्ष संविधान सभा अध्यक्ष, पूर्व सभामुख तथा प्रतिनिधि सभा सदस्य स्वर्गीय सुवासचन्द्र नेम्वाङको शव यात्रा बिहीबार बिहानबाट सुरु भएको छ ।
उहाँको शवलाई बालुवाटार स्थित उहाँको घरबाट अन्तिम संस्कारका लागि पशुपति आर्यघाट लगिँदै छ । बालुवाटारबाट सुरु भएको शवयात्रा महाराजगञ्ज हुँदै चाबहिलबाट पशुपति आर्यघाट पुग्ने छ ।
पशुपति आर्यघाटमा उहाँको राजकीय सम्मानका साथ अन्तिम संस्कार गरिने छ । नेम्वाङको शोकमा सरकारले आज देशभर सार्वजनिक बिदा दिएको छ ।
शव यात्राको क्रममा सडक पेटीमा उभिएर सर्वसाधारणले उहाँको अन्तिम बिदाइ गरेका छन् । किराँत र हिन्दु परम्परा अनुसार आज उहाँको अन्त्येष्टि हुँदै छ ।
प्रतिक्रिया
-
खुला नेपाल डेस्क
खुला नेपाल झण्डै तीन दशक नेपाली पत्रकारितामा योगदान दिएका अनुभवी पत्रकारको नेतृत्वमा २०७६ सालबाट संचालनमा आएको अनलाइन समाचार पोर्टल हो ।
-
लेखकबाट अन्य
