काठमाडाैं । सरकारले पेट्रोलियम पदार्थको मूल्यवृद्धि तत्काल फिर्ता लिन नेपाल आयल निगमलाई निर्देशन दिएको छ ।प्रधानमन्त्री तथा मन्त्रिपरिषद्काे कार्यालय सिंहदरबारमा बसेको मन्त्रिपरिषद्को बैठकले पेट्राेलियम पदार्थकाे मूल्यवृद्धि फिर्ता लिन निगमलाई निर्देशन दिएकाे हाे ।
चाडबाडको बेलामा मूल्यवृद्धि गर्नु अनुचित भएकाले निगमलाई फिर्ता लिन निर्देशन दिइएको सरकारका प्रवक्ता एवं सञ्चार तथा सूचना प्रविधिमन्त्री तथा सरकारकी प्रवक्ता रेखा शर्माले जानकारी दिनुभयो ।
निगमले शनिबार रातिदेखि लागू हुनेगरी पेट्रोलियम पदार्थको भाउ बढाएपछि चौतर्फी विरोध भइरहेको छ । निगमले पेट्रोल प्रतिलिटर २ रुपैयाँ र डिजल तथा मट्टीतेल प्रतिलिटर रुपैयाँले बढाएको थियाे । खाना पकाउने ग्यासकाे मूल्य प्रतिसिलिण्डर २ सय १५ रुपैयाँले बढाएकाे थियाे । निगमले हवाई इन्धन आन्तरिक र अन्तर्राष्ट्रिय दुवैमा प्रतिलिटर ८ रुपैयाँले बढाएको थियाे ।
-
खुला नेपाल डेस्क
खुला नेपाल झण्डै तीन दशक नेपाली पत्रकारितामा योगदान दिएका अनुभवी पत्रकारको नेतृत्वमा २०७६ सालबाट संचालनमा आएको अनलाइन समाचार पोर्टल हो ।
-
लेखकबाट अन्य
