काठमाडौं– दुई राप्रपाबीचको एकतालाई लिएर विवाद उत्पन्न भएको छ ।
कमल थापा नेतृत्वको राप्रपा र राप्रपा संयुक्तबीच आज औपचारिक रुपमा पार्टी एकता घोषणा हुँदै गर्दा राप्रपा संयुक्तका महामन्त्री सुनिलबहादुर थापासहित २२ जनाले एकता बहिष्कार गर्ने भएका छन् ।
महामन्त्री थापासहित २२ जनाको समूहले छिट्टै बैठक बसेर पार्टी एकताको विषयमा आफ्नो धारणा राख्ने जनाएको छ ।
संविधानमा धर्म निरपक्षता र लोकतान्त्रिक गणतन्त्र भनी उल्लेख भइसकेको अवस्थामा फेरि पुरानै चिन्तनबाट ग्रसित भएर पार्टी एकता हुन लागेको भन्दै थापा पक्ष अलग्गै उभिएको हो ।
यसअघि मंगलबार बसेको राप्रपा संयुक्तको अन्तिम केन्द्रीय समिति बैठकसमेत उनीहरुले बहिस्कार गरेका थिए ।
राप्रपा संयुक्तका प्रवक्ता एवं केन्द्रीय सदस्य किरण गिरीले बहिस्कारबारे आफूलाई जानकारी नभएको बताउँदै एकता प्रक्रिया नरोकिने जनाए ।
प्रतिक्रिया
-
खुला नेपाल डेस्क
खुला नेपाल झण्डै तीन दशक नेपाली पत्रकारितामा योगदान दिएका अनुभवी पत्रकारको नेतृत्वमा २०७६ सालबाट संचालनमा आएको अनलाइन समाचार पोर्टल हो ।
-
लेखकबाट अन्य
